قلبیم غمیله دولسا ابوالفضله آغلارام
گوللر چمنده سولسا ابوالفضله آغلارام
یاد ایلرم اوساعتی کی دوشدی قوللاری
عومروم مین ایلده اولسا ابوالفضله آغلارام …
——————————————————
هر دردمند رسمدور ایستر دوا یئری / غمگین اولان همیشه گزر غمفزا یئری
بو افتخاری ایله نصیب ای خدا منه / مدفن منه اولنده اولا کربلا یئری
——————————————————
آللاه چوخون خلق ائیلییب ، چوخ گول سئچیب دیر
آمما محصول خلقی روز عاشورا بیچیب دیر
——————————————————
کربلا دشتینده طوفان دیر بوگون
زینبین حالی پریشان دیر بوگون
یا حسین و یا ابوالفضل کلمه سی
بوتون دیللرده غلطان دیر بوگون
——————————————————
بۇ همان گۆندی باتۇب یاسه جاهان
بوْیانۇب قانه سۇسۇز پیر-وْ-جاوان
انبیالر باش آچۇب آغلۇرێ قان
نئجه قان آغلاماسۇن داش بۇ گۆن
————————- —————————-
توْی تۇتۇب قاسمه شاهنشه-ی-دین
ائتدیله‌ر بزم-ی-عزا حیجله‌گهین
یاخدێ قانیله حنا تازه گلین
نئجه قان آغلاماسۇن داش بۇ گۆن
——————————————————
تؤکۆلۆب توْپراغا باشسێز شهداء
کربلا دشتی اوْلۇب کوه-ی-مئنا
موج ایده‌ر قانیله دریای-ی-بلا
نئجه قان آغلاماسۇن داش بۇ گۆن
——————————————————
«حرمله» آلدێ اله تیر-وْ-کمان
اصغرین حلقین ایدۇب تیره نیشان
ایچدیرۇب سۇ یئرینه قێرمێزێ قان
نئجه قان آغلاماسۇن داش بۇ گۆن
——————————————————
کسدی اشرار-ی-دنی سۇ یوْلۇنێ
تئشنه سقّانون آلۇب ساغ سوْلۇنێ
هم ساغێن سالدێلار هم سوْل قوْلۇنێ
نئجه قان آغلاماسۇن داش بۇ گۆن
——————————————————
سالدێ دونیایه شرر شیمری دَنی
کسدی عطشان سری شاهی زَمَنی
قالدێ باشسێز قۇرو یئرده بده‌نی
نئجه قان آغلاماسۇن داش بۇ گۆن
